---
O xornalista e humorista gráfico Juan López Rico vén de presentar o seu novo libro Aproximación á esquiva figura de Celestino Carballeira (Galaxia, 2022), unha proposta de humor onde o autor convida aos lectores a mergullarse na biografía de Celestino, un empresario corrupto chamado Celestino, a través de máis dun cento de viñetas. “Un empresario feito a si mesmo –todo o que ten roubouno co seu propio esforzo–, mais tamén un personaxe feito a si mesmo”, como afirmou o autor a galiciaconfidencial.com nunha entrevista publicada o pasado 13 de abril. Rescato tamén desa entrevista unha reflexión de López Rico sobre o papel do humor no xornalismo que me parece moi interesante:
“O humor é un apoio importante do noso oficio e cobra protagonismo incluso en momentos de máis dificultade. Sobre todo nos asuntos sociais e políticos, cando falamos de poder, de reparto da riqueza, de Xustiza, do que fan os empresarios e os políticos, dos servizos públicos e tantas cousas onde conflúen tantos intereses e tan grandes, a información discorre por sendeiros de enormes dificultades e obstáculos que defenden aqueles intereses. Neste contexto é onde o humor permite sortear obstáculos e resaltar perspectivas tapadas. Nese sentido, o humor é, sen dúbida, outra forma de facer xornalismo, que non consiste noutra cousa que en contar o que á xente lle interesa realmente".
Juan López Rico, López, naceu en Ribadeo (Lugo) en 1955. É xornalista, profesor de aikido e humorista gráfico. Como xornalista realizou todo o seu labor profesional na Axencia EFE, da que foi delegado en Galicia durante oito anos. Comezou a publicar os seus debuxos en El Correo Gallego a mediados dos anos 80. Desde entón ten colaborado como humorista gráfico en diversos medios, como Galicia Hoxe, Galegos, Longa Lingua, EFEverde ou Galicia Confidencial.
 |
| Juan López Rico, "López" (tomada de "conideintelligente.com") |
Estiven moitos anos sen saber que era a persoa que asinaba "López". Espero poder esculcar na súa obra. De seguro que vou gozar.
ResponderEliminar